Alfons Treu

Hier wird sich Alfons in Kürze vorstellen. Bis dahin als Kostprobe eines seiner Gedichte:

 

Ländliche Idylle

De Oberpfälzer Sprach is kurz.

Aas oana Wurzel wird a Wurz.

Da Apostroph verkürzt de Sätz´.

Mia redn langsam, ohne Hetz´.

 

De Kouh gäiht wister, sie gäiht hott,

beim „Eha“ bleibt sie stöih im Trott.

Es schnaubt da Ihaha, da Gaal –

und nehmt se schnell vom Groos a Maal.

 

Kraht da Gockl „kikeriki!“

und de Hehna macht „bi, bi…“

Schnodert d´Gans, de Antn flodert –

und da Bauer is vadodert.

 

Hochdeitsch sprächa is niat üblich –

da san de Aasdrück z´unterschiedlich,

mia vostandn uns niat mäijer

sagt de Dirn zum andern Däijer

 

Frougt da Bauer barsch sei Wei:

„Is dein Schpenser ebba nei?“

Moant sie zu eahm: Liawa Moo“-

und nickt recht deitlich – „scho!“

 

Nebenan dou grunzt de Sau –

und der Hund der macht „wau, wau“.

Leitl louts enk niat vodröißn –

d´Oberpfälzer loussn gröißn.